سليمان مختارEnglish
أيقونة مين قالها؟

مين قالها؟

Min Galha? Who Said It?

لعبة جماعية بجوال واحد

كل شخص يكتب جوابه بالسر، وشخص منكم يكتب بلسان غيره، وأنتم تخمّنون مين كتب وش. لعبة تخمين عربية للشلة والعائلة، للقعدات والعزائم.

تنزيل من App Storeاحصل عليه من Google Play
رمز QR للرابط sulimanmukhtar.com/mingalha/get
على الكمبيوتر؟ امسح الرمز بكاميرا جوالك

على iPhone بنظام iOS 18 أو أحدث، وعلى أندرويد 8.0 أو أحدث

  • بدون نت
  • بدون حسابات
  • بدون إعلانات
  • عربي وإنجليزي

كيف تنلعب؟

  1. مرّروا الجوال

    يدور الجوال على الكل، وكل شخص يجاوب على نفس السؤال بالسر. ومحد يشوف جواب غيره.

  2. المقلّد

    كل جولة ينختار شخص منكم بالسر يكون «المقلّد»، ويكتب بلسان شخص ثاني بدل جوابه.

  3. أشّروا واختاروا

    الأجوبة تطلع وحدة وحدة بدون أسماء، وعلى العدّ ثلاثة كلكم أشّروا على اللي تتوقعون إنه كتبها. وبعدها تنكشف الأسماء، ويبدأ الضحك.

التخمين الصح بنقطة، وكل شخص يضيّعه جوابكم بنقطتين لكم.

من داخل اللعبة

  • شاشة الدور: «مرّروا الجوال إلى سارة»، الجولة 2 من 5
    جوال واحد يدور على الشلة
  • شاشة الجواب: سؤال «أغرب أكلة جربتها في حياتي» وجواب ينكتب بالسر
    كل شخص يكتب بالسرولا جواب ينحفظ
  • بطاقة المقلّد السرية: «دورك هالجولة: المقلّد»، والمطلوب جواب بلسان فيصل
    وشخص منكم يكتب بلسان غيره
  • شاشة «مين كتبها؟»: جواب يطلع بدون اسم، وتحته اختيار كل لاعب
    بدون أسماء… مين قالها؟
  • ملخص الجولة 1: مين كتب كل جواب، والمقلّد ينكشف، والنقاط
    وبعدها تنكشف الأسماء
  • النتيجة النهائية: الفوز من نصيب نورة، وتحتها «نلعب مرة ثانية» و«لعبة جديدة»
    نلعب مرة ثانية؟ بضغطة وحدة
  • تجهيز اللعبة: مجموعة «الأساسية» مختارة، والمجموعات المدفوعة عليها قفل وتحتها «ضمن افتحوا كل شي»
    من 3 إلى 16 لاعبًا، بدون نتمجموعات أكثر ولين 16 لاعبًا مع «افتحوا كل شي» أو «تذكرة السهرة»

اسحبوا عشان تشوفون الباقي.

مجانية، والباقي تفتحونه متى ما بغيتوا

للكل

مجانًا

مجموعة «الأساسية»، ومن 3 إلى 6 لاعبين. واللعبة كاملة: المقلّد والنقاط وبطاقة النتيجة.

شراء مرة وحدة

«افتحوا كل شي»

يفتح كل المجموعات المدفوعة، الحين واللي بتنزل بعدين، ويخليكم تلعبون لين 16 لاعبًا.

24 ساعة

«تذكرة السهرة»

كل شي مفتوح 24 ساعة من وقت الشراء، وما تتجدد تلقائيًا.

الأسعار تطلع لكم في App Store أو Google Play حسب بلدكم، والمشتريات مرتبطة بحسابكم في المتجر. وبدون إعلانات، أبد.

أسئلة وأجوبة

اللعبة ببلاش؟

إيه. تنزّلونها مجانًا، وتلعبون مجموعة «الأساسية» من 3 إلى 6 لاعبين بدون ما تدفعون شي. و«افتحوا كل شي» و«تذكرة السهرة» على كيفكم.

تحتاج نت؟

لا. اللعبة تشتغل في أي مكان، حتى في البر بدون شبكة. أما الشراء واسترجاع المشتريات فيمرّ عن طريق Apple أو Google Play، ويحتاج اتصال وقتها.

على أي جوالات تشتغل؟

على iPhone بنظام iOS 18 أو أحدث، من App Store، وعلى جوالات أندرويد بنظام Android 8.0 أو أحدث، من Google Play. واللعبة نفسها في الاثنين.

كم لاعب يقدرون يلعبون؟

من 3 إلى 6 لاعبين مجانًا، ولين 16 لاعبًا مع «افتحوا كل شي» أو «تذكرة السهرة». وكلكم على جوال واحد.

فيها عربي وإنجليزي؟

إيه. تغيّرون اللغة من الشاشة الرئيسية، والأسئلة تتغيّر لغتها بعد. والأسئلة العربية مكتوبة باللهجة الخليجية، مو مترجمة.

وش تجمعون من بياناتنا؟

ولا شي. الأسماء والأجوبة ما تنحفظ أبد، والتطبيق ما يرسلها لأي مكان. بدون حسابات، بدون إعلانات، بدون تتبع. التفاصيل في سياسة الخصوصية.

«تذكرة السهرة» تتجدد تلقائيًا؟

لا. تفتح كل شي 24 ساعة من وقت الشراء، وبعدها تخلص بروحها. وإذا خلصت وأنتم في نص لعبة، اللعبة تكمل لين آخرها.

إذا غيّرنا الجوال، تروح مشترياتنا؟

لا. المشتريات مرتبطة بحسابكم في المتجر، مو بالتطبيق: حساب Apple على iPhone، وحساب Google على أندرويد. نزّلوا التطبيق على الجوال الجديد، أو من جديد على نفس الجوال، بنفس الحساب، وترجع لكم من نفسها. وإذا ظل شي مقفول، فيه زر «استرجاع المشتريات» داخل التطبيق. و«تذكرة السهرة» ترجع بعد، لين تكمّل 24 ساعة من وقت شرائها. أما من iPhone لأندرويد أو العكس، فالمشتريات ما تنتقل: كل متجر يحفظ مشترياته بروحه.